Angelina Jolie është ankuar për betejën ligjore me Brad Pitt lidhur me vreshtarinë Château Miraval, sipas email-eve të publikuara së fundmi.
“Duhet të heq gjithë stresin”, i shkruan aktorja në maj 2021 menaxherit të saj të biznesit. “Sinqerisht ndiej sikur po sëmurem nga shqetësimi. Kështu që do të doja të flisnim për të përmirësuar mbështetjen. Dhe mos të vazhdoj marrëdhëniet që e sheh që më stresojnë.”
Njëkohësisht, duket se flet edhe për vëllanë e saj, James Haven, ku shkruan: “Situatat financiare si Jamie ku unë vetëm jap e jap dhe s’marr as një faleminderit…është thjesht e gabuar.”
Një email tjetër i nëntorit 2023 që është paraqitur si provë nga ekipi i Pitt, ishte një përgjigje nga avokatët e aktores kundrejt një padie 35 milionë dollarëshe nga 61-vjeçari.
Një email i tretë nga ekipi i Jolie, i cili daton në tetor 2023, duket se përkon me akuzat se Brad po e padit ish-gruan “duke i kërkuar dëmshpërblime të vazhdueshme për dëmtimet e supozuara nga veprimtaria në Miraval.”
Në email thuhet se “refuzimi i vazhdueshëm i Pitt për të nxjerrë dokumentet lidhet me arsyet pse i nevojitej kontrata 4-vjeçare e heshtjes që të mbulojë aktin e tij” dhe shton se dokumentet janë të rëndësishme “për thelbin e çështjes sonë dhe duhet të nxirren.”
Padia 286-faqëshe e paraqitur në Los Anxheles është një përpjekje nga avokatët e Pitt për të marrë kopje të komunikimeve të Jolie përmes email-eve për shitjen e Miraval në 2021.
Ekipi ligjor i aktores ka cituar privilegjin e klientit lidhur me çështjen duke refuzuar t’i dorëzojë.
