Zëvendëskryeministri Braçe ka reaguar përsëri lidhur me bllokimin e hapjes sëe për anëtarësim në Bashkimin Europian të Shqipërisë dhe Maqedonisë së Veriut në takimin e fundit të Këshillit Europian. Përmes një postimi në Instagram, Braçe shpreh dhe një herë mirënjohjen për mbështetjen e Komisionit Europian dhe veçanërisht presidentit Tusk, i cili në takimin e sotëm tha se vendimi për mos-hapjen e negociatave me Shqipërinë ishte një gabim.
Ndërkaq, Braçe nuk kursen as thumbat ndaj opozitës dhe protestave të zhvilluara më herët gjatë këtij viti.
“Ka lidhje me procesin që vetë Bashkimi Evropian, vetë Komisioni Evropian ndërtoi me Shqipërinë, tërësisht teknik, me kushte e zbatim kushtesh, në dy vite të gjatë! Këta udhëhoqën procesin, këta negociuan, këta vunë kushtet, këta vlerësuan zbatimin e tyre, këta vlerësuan e gjykuan punën, këta thanë “tani jeni gati”, këta propozuan nisjen e negociatave! Ky, Presidenti i Komisionit Europian, luftuan për Shqipërinë, jo ju të zjarrit e bombave, jo ti! Ky, Presidenti i Bashkimit Europian, shquan si gabim të madh vendimin e Francës, të udhëheqësve; në asnjë rresht nuk folën për gabim të Shqipërisë. E thanë të premten, e thanë dhe sot mu në mes të Parlamentit Europian”, shkruan Braçe.
