Braçe: Një mesazh për “Jozefinën bjonde” të Shkodrës
Deputeti socialist, Erion Braçe reagon ashpër ndaj protestës së sotme, të zhvilluar nga qytetarë e biznese në Shkodër, kundër masave të qeverisë ndaj informalitetit.
Në një postim në “Facebook”, ai i drejtohet kryebashkiakes së qytetit verior, Voltana Ademit, nën epitetin “Jozefina bionde” duke i thënë se i ka ardhur fundi kohës kur nuk paguheshin taksat se kështu donte partia.
Sipas tij, nëse Ademi ka vendosur që në bashkinë e saj të bëhet biznes në informalitet, duhet të harrojë që pjesa tjetër e Shqipërisë të paguajnë për të. Qindra qytetarë protestuan paraditen e sotme me pankarta në duar, ku shkruheshin parulla kundër politikave për taksat, arsimin, biznesin e punësimin.
Taksat falas të Jozefinës bionde të Shkodrës!
Kryetarja e re e Bashkisë së Shkodrës duhet të kuptojë se, nëse ajo ka vendosur që në territorin e bashkisë së saj, ndryshe nga pjesa tjetër e Shqipërisë, duhet kryer biznes, pa u regjistruar, licencuar, paguar tatime e taksa, duhet të harrojë që pjesa tjetër e Shqipërisë të PAGUAJË që ajo e Bashkia e saj të funksionojë!!!
Po të dojë, këtë mund ta quajë edhe antirevolucion!! Kështu që po ia grisim që tani atë parullën e tmerrshme që pashë të printuar: Mashtrim për taksat falas!
Injoranca në fakt nuk ka brirë!! Por boll më, 20 vjet që s’paguajmë energjinë, s’paguajmë tatime e taksa, se kështu na thotë Partia.
