Mbledhja e shtatë e jashtëzakonshme e qeverisë këtë të mërkurë u mbajt në mungesë të kryeministrit i cili ndodhet në Londër për të marrë pjesë në samitin e NATO-s. Numri dy i qeverisë, Erjon Braçe, gjatë fjalës së tij lidhur me emergjencën e krijuar nga tërmeti ngriti shqetësimin e shtesave në pallate me apo pa leje.
Ai kërkoi paralelisht me vlerësimin e dëmeve në terren në kalojnë në sitë edhe këto shtesa.Për të dyja rastet, Braçe tha se do të duhet të mbahet përgjegjësi qoftë nga zyrtarët që i kanë dhënë këto leje, apo individët që i kanë bërë pa leje. Në fund fare, Braçe tha se do të duhet marrë një vendim teknik se çfarë do të bëhet me to.
“Në Lezhë, Laç dhe Krujë. Çfarë do të bëhet me shtesat me leje dhe pa leje që janë bërë mbi pallatet e ndërtuara para viteve ’90. Për mendimin tim, te ato që janë bërë me leje sipas ekspertëve atje ku janë paraqitur rrezikojnë të gjithë strukturën e pallatit braceqë sot është në rregull të mbajnë përgjegjësi të gjithë zyrtarët që i kanë bërë këto gjëra. Atje ku janë pa leje po prapë duhet të mbajnë përgjegjësi ata që i kanë bërë këto gjëra dhe në fund duhet marrë një vendim teknik se çfarë do të bëhet me këto shtesa që rrezikojnë një pallat me pesë kate terësisht, sidomos ato që janë bërë në lartësi”, u shpreh Braçe.
Më tej Braçe denoncoi se ka marrë shqetësime nga shumë banorë në pallate të reja për sharrimin e kolonave. Ai tha se duhet t’u përgjigjemi qytetarëve së bashku me ata që janë përgjegjës, pra me ndërtuesit. “Në Tiranë unë personalisht kam marrë një seri shqetësimesh që janë në pallate të reja, shqetësime me atë që nuk duken, kryesisht me garazhe, ku janë lëvizur dhe sharruar kolona për t’u hapur vende për t’u strehuar.
Janë raste sporadike, por ne duhet t’u përgjigjemi së bashku me ata që janë përgjegjës, pra me ndërtuesit. Puna duhet të përfshijë ata që kanë leje. Nuk kanë përmasën e Durrësit as në sasi, por as në përmasën e dëmit. Duhet t’u japim garanci njerëzve” tha ai.
/a.r
