Gjatë interpelancës me ministrin e Bujqësisë Niko Peleshi, kryetari i Komisionit të Ekonomisë, Erion Braçe ka denoncuar dy kontrata të lidhura nga ish-ministri i Bujqësisë, Edmond Panariti me familjarë të Klement Balilit.
Braçe ka bërë publike dy kontratat e lidhura mes ministrisë së Bujqësisë dhe kompanive të familjes Balili në vitin 2016, kur ky dikaster drejtohej nga ministri i LSI, Edmond Panariti.
Sipas Braçes kjo është një qokë e pastër kriminale dhe korruptive e LSI, pasi kontratat janë lidhur pasi Klement Balili ishte shpallur në kërkim nga policia për trafik ndërkombëtar droge.
“Unë nuk di të bëj teatër Lulzim Basha e Monika Kryemadhi. LSI ka lidhur kontrat toke me familjarët e Balilit pasi ai ishte shpallur në kërkim për trafik droge. Kjo është një qokë e pastër kriminale dhe korruptive e LSI, pasi kontratat janë lidhur pasi Klement Balili ishte shpallur në kërkim nga policia për trafik ndërkombëtar droge.
Kontrata e parë nënshkruar më 20. 05. 2016. Një kontratë e firmosur mes ministrisë së Bujqësisë dhe Balili & co sh.p.k. Ministria e Bujqësisë vë në dispozicion të Balili & co 21. 4 ha tokë bujqësore në Buronjë të Delvinës.
Kompania administrohet nga Bashkim Balili, një prej familjarëve të Klement Balilit. Klement Balili nuk është aktor teatri por një person nën kërkim. Kjo kontratë është lidhur kur partnerët tanë në vendin fqinj por dhe agjencitë ligjzbatuese në Tiranë, shpallën në kërkim Klement Balilin. Kjo është tradhëti e madhe, e rëndë që i bëhet policisë së shtetit dhe organeve ligjzbatuese në vend.
Kontrata e dytë e nënshkruar 06.07. 2016, dy muaj pasi Klement Balili u shpall në kërkim dhe pronat e gjithë familjes Balili bastisesish në kërkim të tij. Kjo kontratë është lidhur me shoqërinë “Alb Universal 1995”
Kjo kompani ishte themeluar nga shtetasi Albin Bashkim Balili, djali i Bashkim Balilit, vëllai i Klement Balilit. Kjo kontratë i jep kompanisë Alb Universal, sipërfaqen 90.4 ha në zonën kadastrale pasuri në njësinë admistrative Piskov, bashkia Përmet.”, deklaroi Braçe
Ministri i Bujqësisë, Peleshi deklaroi se po bëhet një proces auditimi për kontratat e qirasë
“Toka shtetërore e pandarë na jep mundësi të krijojmë një model të ri të bujqësisë shqiptare, fermën e madhe. Procesi i qiradhënies së tokës bujqësore i rëndësishëm për ne. Janë dhënë 3900 hektarë tokë me qira. Po bëjmë një proces auditimi për të gjitha kontratat e qirasë”, deklaroi Peleshi/JAVANEWS.AL/a.ç
