Deputeti socialist, Erion Braçe, është shprehur kundër sulmit publik në media ndaj një gjyqtari dhe thotë se në prapavijë qëndron një vendim kundpr pronarit të medias në fjalë.
Braçe thotë se bëhet fjalë për një vendim që i heq pronarit 18 mijë metra katrorë pronë publike të grabitur.
Reagimi:
“Kam mbi tre javë që lexoj e dëgjoj pa pushim raportimet e një gazetë e një tv-je për një gjykatës që ato, gazeta e televizioni, e kanë shpallur “të korruptuar”.
Nuk e njoh gjykatësin, për herë të parë po lexoj për të dhe as qe i hyj vërtetësisë se akuzave per të.
Por duke lexuar, kërkova dhe mësova se: Gjykatësi ka dhënë një vendim, sipas së cilit, i heq mbi 18 mijë metra katror tokë të grabitura biznesmenit që zotëron edhe pronësinë e gazetës dhe televizionit dhe, ja kthen shtetit, shtetit që i ishte grabitur.
Mendojeni pak; 18 mijë metra katror tokë që ishin të Lumit të Thatë në Korçë dhe qe u grabiten si “tokë private”.
Natyrisht, thënë këtë, as që mendoj se një gjykatës që bën drejtësi në një rast duhet të bëj padrejtësi në raste të tjera, edhe pse ky mund të mos jetë rasti.
Por, Kjo vlen shumë qartë edhe për gazetën dhe televizionin.
Nuk mundet që media që presupozohet që është një shërbim publik, të kthehet në mënyrë primitive ne pushke për interesa private!! Asnjëherë!! Dhe nuk është ky televizioni i vetëm që po e bën këtë këto ditë.
Dhe me duhet t’u kujtoj se ky është rasti i dytë që ndodh kështu, me të njëjtin biznesmen dhe serish në të njëjtin stil sulmi ndaj gjykatësve që nuk përmbushin interesat e tyre;
Rasti i parë ishte tek Plastmasi i Lushnjës!!
TEMA
