Pas reagimit të deputetit socialist Taulant Balla ndaj pyetjeve të Blushit, ku e cilësoi kkëtë të fundit si “njeri që flet me gjuhën e Berishës”, ka reaguar edhe deputeti tjetër socialist Erjon Braçe.
Ndryshe nga Balla, Braçe në një postim të gjatë në facebook i ka kthyer përgjigje pyetjeve të Blushit duke e nxjerrë atë gënjeshtar për një sërë faktesh.
Sa i përket gjendjes në vend, Braçe thotë se bie dakord që e vërteta është jetike, por nga ana tjetër ai thotë se papunësia nuk është rritur me 7%, rritja ekonomike është rritur me 1.89% dhe jo 1.7% siç pretendon Blushi.
Gjithashtu Braçe thekson se në Shqipëri nuk paguhet nafta me çmimin më të shtrenjtë në rajon.
“Nuk ka ndodhur asnjeherë.
Është e thjeshtë; dy seanca më parë në Kuvend kam lexuar një për një vende të rajonit dhe Evropës të cilat kanë akcizën më të lartë se ne, tvsh më të lartë se ne dhe natyrisht cmimet më të larta se ne për naftën dhe benzinën.
Ky fakt është i publikuar dhe njohur zyrtarisht, dokumentat gjenden lehtësisht në Kuvend!”, shprehet Braçe në facebook
Fjalën e plotë të deputetit Erjon Braçe mund ta ndiqni këtu!
