Deputeti i Partisë Socialiste, Erjon Braçe i ka dalë në krah vendimit të Bashkisë për mbrojtjen e hapësira publike, duke 10-fishuar tarifat.
“Hapësira publike nuk është për biznesin o Lyl!
Tarifa e 10-fishuar shumë e vogël për të ndalur babëzinë që po pronëson këtë qytet!
E pashë dje të protestonin fizikisht për këtë dhe po e lexoj sot:
“ZËNIA E HAPËSIRËS PUBLIKE, 10-FISHOHET TARIFA PËR BIZNESIN”!!
Ky qenka nami dhe shkak për të protestuar fuqishëm!!
Lexoni pak me vëmendje: Zënie e hapësirës publike!!”, shkruan Braçe, i cili më tej vijon duke i shpjeguar PD-së se hapësira publike u përket të gjithëve.
“Zotni PeDeist a çfarë je, hapësira publike është e imja, e jotja, e kujtdo që banon në këtë qytet, parimisht as që duhet të zihet nga cilido, qytetar apo biznesmen.
Që gjithkush nga këta të grupit babëzia qe po e perveteson kete qytet te frenohet, jo vetem me polic, duhet te kete surratit kete tarifen e 10-fishuar dhe pak e ka. Mendoja se do ishte me shumë”, thotë Braçe
Ne fund ai i bën thirje PD-së ta zgjidh tamam se për çfarë proteston.
Nje dite protestoni për mbrojtjen e nje hapesire publike nga nje kend lojrash publik ne nje park urban qe ju e mendoni dhe e doni si pyll, diten tjeter dilni e protestoni per rritjen e tarifes qe frenon apo ndeshkon zenien e hapesires publike!!”, përfundon deputeti socialist.
