Deputeti socialist Erjon Braçe ka reaguar pas vendimit të opozitës për bllokimin e rrugëve. Ai e ka quajtur liderin e opozitës një budalla legjendar përmes një postimi në rrjetet sociale.
“Ky është “budalla legjendar”! Domethënë, Budallai i Tiranës që nuk lë popullin të votojë, kërkon llogari: Pse heshtni për zgjedhjen e presidentit nga populli?! Lul nuk ka të dytë, veç një dhe budalla!”,- shkruan Braçe në Facebook.
Në një tjetër postim Braçe shkruan se rrugët nuk po i bllokohen Edi Ramës por popullit. Deputeti socialist akuzon opozitën për bllokimin e drejtësisë, Kushtetutës dhe ekonomisë.
“Këtë vend ju, ti mbi të gjitha e urren, thjesht e përdor për ambicien tënde për t’u kthyer edhe një herë të vjedhësh e të vrasësh, e përdor thjesht si mburojën tënde nga drejtësia që duhet të vijë edhe për ty, edhe për ju! Të hënë edhe një herë do jeni përballë ju dhe populli, as policia e as ushtria, ju-hajdutët dhe vrasësit, nga ish-kryeministri deri tek faturuesi i sistemit tuaj zhvatës dhe populli, viktima juaj e përhershme, por edhe varrmihësi yt, juaji! Pas të hënës është e martë dhe është dita e drejtësisë!, e mbyll postimin Braçe./a.m.