Deri në 30 korrik ai është kryetari i Bashkisë Tiranë. Pikërisht më datë 30 korrik 2015, Lulzim Basha duhet t’i dorëzojë stafetën kryetarit të ri të zgjedhur, Erion Veliajt.
Kjo të paktën duhet të ishte rruga normale, por jo, Basha ka zgjedhur të mos e presë Veliajn në zyrë për t’i dorëzuar stafetën. Këtë e ka konfirmuar sot nënkryetari i Bashkisë Tiranë, Enno Bozdo, i cili është shprehur për Neës 24 se:
“Të gjithë drejtorët do të jenë në punë. I gjithë stafi do të jetë në punë. Të gjitha informacionet që ai do të kërkojë do t’i serviren.”
Ndërkohë Bozdo thotë se nuk i kanë munguar kontaktet me stafin e Veliajt, por përpos këtyre ai shprehet i bindur se drejtorët e emëruar nga Basha do ta çojnë Tiranën në Drejtimin e Duhur.
Ngjan paksa ironike, por kështu është shprehur Enno Bozdo sot.
Sipas tij, drejtorët do të jenë këtu në dispozicion të kryetarit të ri të bashkisë, z.Veliaj, sepse është mënyra më e mirë për të ndihmuar stafin e ri, i cili do të drejtojë Tiranën për 4 vitet në vazhdim.
“Kontaktet me përfaqësues të zotit Veliaj nuk na kanë munguar, por përveç kontakteve do të thosha që, është shumë e rëndësishme që askush nga drejtorët e bashkisë nuk kanë dhënë dorëheqjen dhe nuk do të japin dorëheqjen”, ka thënë ai.
