Shkrimtari sllovak, Pavel Vilikovsky, konsideruar si një prej zërave më të rëndësishëm të letërsisë sllovake, vdiq sot në moshën 78-vjeçare, bëri sot të ditur botuesi i tij francez.
“Shtëpia botuese “Phebus” njoftoi me keqardhje vdekjen e shkrimtarit sllovak, Pavel Vilikovsky”, theksoi botuesi në një komunikatë.
I lindur në qershor 1941, Pavel Vilikovsky ishte konsideruar si shkrimtari më i madh kontemporan dhe si një mjeshtër i ironisë.
Shkrimtari, një admirues i shpallur i Thomas Bernhard, i përket një gjenerate intelektualësh, i cili hyri në skenën e letërsisë gjatë viteve ’60 duke e ndryshuar në mënyrë radikale prozën dhe poezinë sllovake.
Ai ishte i vetmi autor që kishte fituar çmimin prestigjioz të letërsisë sllovake “Anasoft Litera” dy herë.
/a.r
