“Athony’s Pier 4” është një nga restorantet më të famshme në Boston të Shteteve të Bashkuara të Amerikës, i themeluar nga një shqiptar me emrin Anthony Athanas.
Por nga sot, ky restorant nuk do të jetë më.
Bashkia e Bostonit këtë të martë e ka shembur plotësisht restorantin përmes buldozerëve, për të ndërtuar aty një qiellgërvishtës.
Por cila është historia e këtij restoranti?
Shqiptari Anthony Athanas e ngriti restorantin në vitin 1963, ku me pjatat e shijshme të përgatitura tërhoqi mjaft klientë të njohur, si Riçard Nikson dhe familjen Kenedi.
Por edhe gangsteri i famshëm i Bostonit, Xhejms Bolxher ishte një klient i rregullt i restorantit të shqiptarit, i veçantë jo vetëm në ushqime por edhe në mikpritje, tradita që mesa duket shqiptari nuk e ka lënë pas.
Por me ndarjen nga jeta të Anthony, restorantin e trashëgoi djali i tij i cili vendosi ta shiste truallin tek një sipërmarrës.
