Publikimi i e-maileve private të Ish Sekretares së Shtetit Hilary Clinton, e cila kandidon për postin e Presidentes vitin e ardhshëm kanë prodhuar sërish zhurmë. Në një email që asistenti i saj i dërgonte thuhej se Clinton duhet të vizitonte një numër shtetesh në të gjithë globin dhe si kuotë ishte vendosur për rreth 112 të tilla. Ndër këto shtete ishte dhe Shqipëria, të cilat Clinton do duhej t’i vizitonte për të rritur kapitalin e saj politik. Kështu në nëntor të viti 2012 Sekretarja e Shtetit Hilary Clinton erdhi dhe vizitoi Shqipërinë.
Me kandidimin e saj për postin e Presidentit të SHBA-ve, prej kohësh Clinton e ka përdorur faktin se ka kryer takime në mjaft vende të botës, si një avantazh që shumë kundërshtarë të saj nuk kanë.
Më poshtë pjesë të shkrimit nga e përdithsmja amerikane The Boston Globe nga ku është marë dhe lajmi:
Sa shtete ke vizituar? Për Sekretaren e Shtetit Hillary Clinton, rreth muajit korrik të vitit 2012, përgjigja ishte: Jo mjaftueshëm.
7 muaj para se Clinton të linte detyrën, një asisent i afërt i saj i tha që ajo kishte “mjaft kohë” që të ngrinte “numrin e vendeve të vizituara”, e kësisoj vendosi një objektiv prej rreth 110 vendesh.
E-maili, i sjellë nga asistenti medias së Clinton, Phelippe Reines, 3 vjet më parë, hedh dritë mbi njërën ndër pikat më të forta politike të Clintonit si kandidatja demokrate për Presidente: Faktin se ajo është një politikane e palodhur dhe që deri më tani ka bërë vizita në rreth 112 shtete.
Phelippe Reines shkruante në email se “110 shtete është një objektiv i arsyeshëm”. Në emailin që asistenti i Clinton i dërgonte kësaj të fundit, kishte përfshirë edhe një listë prej rreth 94 shtetesh që ajo ende nuk kishte vizituar. Ndër to edhe vendi ynë.
Në email po ashtu thuhej se Clinton duhet të vizitonte shtete thjesht edhe sikur vetëm për të arritur objektivin apo numrin e shteteve./Pergatiti Javanews.al/
