Gjatë prezantimit të flotës së re të ambulancave të Urgjencës Mjekësore, kryeministri Edi Rama foli edhe për largimin e infermiereve dhe mjekëve në Gjermani. Kreu i qeverisë tha se sistemi nuk kërcënohet nga ikja dhe se ka me mijwra qw presin të futen në sistemin tonë shëndetësor.
Kreu i qeverisë tha se mjekët që zgjedhin të punojnë në rrethe, paguhen njëlloj si në Gjermani. Nëse marrim parasysh taksat, Rama tha se në Shqipëri dalin më të fituar
“Kemi 153 dhe 823 infermierë janë punësuar këtë vit në sistëm dhe të tjerë janë në radhë. Kemi 4 mije infermiere që presin të punësohen dhe janë janë në Shqipëri dhe jo në Gjermani. Pas Janarit do të kemi 300 mjekë të rinj specialist që mund të zgjedhin të kontribuojnë në bazë të pikësimit. Ata që duan të punojnë në rrethe si specialiste, do paguhen aq sa do paguheshin në Gjermani. Marrin rrogën si mjek dhe 2 mijë deri në 2500 dollarë shtesë në muaj. Taksat këtu janë 5-fish më të ulëta se në Gjermani dhe këtu llogaritë iu dalin më mirë”, tha Rama
Duke iu referuar statistikave, Rama tha se nga nëntori i vitit 2015 dhënia e ndihmës së parë përmes Urgjencës ka shpëtuar 3 mijë jetë njerëzore.
Rama tha se vitin e ardhshëm do rriten sërish pagat e mjekëve, ndersa studentet ekeselente do te paguhen 1200 dollarë
“Vitin e ardhshëm do të rriten pagat e mjekëve dhe infermierëve, por dhe do të paguajmë dhe 1 200 dollarë për të gjithë studentët ekselentë”
Javanews/a.çupaj
