Juventusi dhe Leonardo Bonucci gjejnë gjuhën e përbashkët.Dëshira e klubit për të mbajtur me çdo kusht qendërmbrojtësin është përputhur me vullnetin e lojtarit që të mbetet në gjigantin italian.
Interesimi nga Manchester City dhe oferta joshëse e Guardiolës nuk e ka bindur Bonuccin të largohet nga Juventusi dhe marrëveshja për kontratën e re është vetëm çështje ditësh, raporton e përditshmja italiane ‘Tuttosport’.
Bonucci do të nënshkruajë për pesë vjet, që nënkupton se do të mbetet te kampionët e Italisë deri në moshën 34-vjeçare. Me marrëveshjen e re, 29-vjeçari do të përfitojë 5 milionë euro në stinor, plus bonuset, citohet Express. (b.an)
