Lajmi i përhapur për ardhjen në Tiranë për një koncert të Bon Jovit duket se ka qenë një mashtrim.
Fillimisht informacioni u publikua në një adresë në facebook, e më pas u shpërnda me shpejtësi në rrjetet sociale dhe mediat online.
Sipas njoftimit të vërtetuar tashmë që ishte i pavërtetë, ditën e verës, pra më 14 mars, Bon Jovi do të vizitonte Tiranën ku dhe do të mbanin një koncert live në stadiumin “Qemal Stafa”, por mesa duket gjithçka ka qenë një mashtrim.
Nisur nga nostalgjia, fansat e grupit të famshëm të viteve ’90-të, shpërndanë posterin qesharak dhe nisën të interesohen lart e poshtë për biletat e koncertit.
Sipas lajmit aspak të besueshëm që i referohet një postimi dukshëm të sajuar, të cilin e gjetën në një faqe në “Facebook” mediat online ranë pre e mashtrimit.
