Kampioni i peshave të rënda, Tyson Fury ka shtyrë rindeshjen me Wladimir Klitschkon nga shkaku i një lëndimi. Fury, 27-vjeçar, pritej që të mbronte titujt WBO dhe WBA në një meç që do të mbahej më 9 korrik në Manchester Arena, por britaniku ka shtyrë përballjen shkaku i lëndimit të nyjës së këmbës.
“Gypsy King” i cili ia mori titujt Klitschkos në muajin nëntor të vitit të kaluar në Gjermani, ka dëgjuar këshillat e mjekut për të shtyrë meçin. “Kam lajme të këqija për ju. Dhjetë ditë më parë, derisa po vrapoja, unë lëndova nyjën e këmbës. Nuk është thyer, por duhet të pushoj për gjashtë apo shtatë javë”, ka njoftuar Fury.
“Mora mendimin e mjekut, prandaj ndeshja do të shtyhet. Më vjen keq fansa, por lëndimet ndodhin, ky ishte njëri prej tyre”.
ma.me
