Kur kanë mbetur vetëm pak orë nga skadimi i afatit për regjistrimin në zgjedhjet e 18 qershorit, duket qartë se lidershipi i PD ka vendosur t’i bojkotojë ato. Burime nga selia e PD bëjnë të ditur se kryetari i kësaj force politike Lulzim Basha u ka deklaruar deputetëve të tij se “përvoja e fituar në Kavajë është e vlefshme për rrugën në vijim”. Paralelisht me këtë Basha ka bërë thirrje për protestë me 13 maj duke u kërkuar deputetëve pjesëmarrje masive. Sipas tij, pjesëmarrja duhet masive dhe protesta të jetë paqësore.
Të nisë puna në terren për protestën e 13 majit ishte porosia e parë e Bashes, ne kete mbledhje.
“Protesta në 13 majit, paqësore me parametra demokratike, një stacion në rrugën për fitoren e kauzës. Qëndresë deri në fund për zgjedhje të lira dhe të ndershme. 18 qershori eshte një datë e rënë politikisht dhe ligjërisht”, mesohet se ka thene Basha para anetareve te Kryesise se PD, teksa theksoi se do kete pjesemarrje masive.
Sipas Bashës, shqiptarët e bashkuar do t’i tregojnë Ramës se janë më të vendosur se kurrë për zgjedhje të lira e të ndershme dhe i ka ftuar ata në hapin e radhë, në protestën masive që do të mbahet në këtë shesh javën e ardhshme.
“Mos kini asnjë iluzion se ky proces i rikthimit të zgjedhjeve të lira e të ndershme do të ketë sukses pa pasur edhe njëherë bashkimin e shqiptarëve, pa i demonstruar mes pjesëmarrjes masive të shqiptarëve javën e ardhshme, Ramës, në këtë shesh, se shumica e shqiptarëve nuk pranon zgjedhje të diktuara nga krimi e nga droga”- tha ai.
Sipas Bashës, “të vetmet zgjedhje që vendi do mbajë do jenë zgjedhjet e lira e të ndershme, të lira nga krimi, droga, monizmi me një qeveri teknike e cila do të përmbushë mandatin popullor për zgjedhje të lira e të ndershme”.
