“Sot jemi te 21 dhjetori, sepse është një nga zonat më të ndotura në Tiranë. Niveli i ndotjes së ajrit, këtu dhe në pjesën më të madhe urbane të qytetit është shumë më i lartë sesa pragu i rrezikut”. Kështu është shprehur paraditen e së shtunës kandidati i pavarur për Tiranën, Gjergj Bokaxhi.
Ai theksoi se sipas Organizatës Botërore të Shëndetësisë, kanceri në mushkëri eshte një nga tre arsyet kryesore të vdekshmërisë në shqipëri.
“Cdo qytetar i kryeqytetit humb rreth 2 vite jetë nga ndotja e ajrit. Ata që rrezikohen më tepër janë fëmijët e vegjël dhe të moshuarit. Kjo ndotje vjen nga trafiku i rënduar dhe nga ndërtimet. Të dy këto probleme janë shkaktuar nga papërgjegjshmëria e kryetarëve të bashkisë gjatë këtyre viteve, si dhe nga korrupsioni dhe abuzimi me ndërtimet” – tha ai.
Sipas Bojaxhi, Bashkia e Tiranës ka shkelur rregullisht gjatë gjithë këtyre viteve jo vetëm ligjin shqiptar, por edhe cdo konventë mjedisore ndërkombëtare në të cilën vendi ynë aderon.
“Kjo situatë nuk mund të ndryshojë nëse ne votojmë për të njëjtat parti që e kanë shkaktuar problemin. Kjo situatë ndryshohet duke i ndëshkuar me votë me 21 qershor” – përfundoi Bojaxhi.
