Premtimet dhe deklaratat në kohë fushate janë nga më të çuditshmet. Ka qenë kandidati i pavarur për bashkinë e Tiranës Gjergj Bojaxhi i cili në një intervistë për emisionin “Opinion” u bëri një sfidë të pazakontë rivalëvëve të tij.
Sipas tij , për t’i dhënë fund korrupsionit, ai i ftoi që secili të bëjë publikisht një test poligraf (makina e së vërtetës) me aparaturën amerikane që disponon SHISH-i dhe me specialistë të huaj.
Testi poligraf nuk ka garanci 100% që zbulon të vërtetën, prandaj nuk konsiderohet si provë në gjykatat amerikane, por si opinion eksperti. Sidoqoftë, përqindja e suksesit të këtij testi është nga 90%-100%.
