Kandidati i pavarur për bashkinë e Tiranës Gjergj Bojaxhi paralajmëroi hyrjen në politikë pas 21 qershorit, në një takim me studentë e pedagogë të Universitetit Europian në Tiranë. Bojaxhi u shpreh se ndryshimi fillon me grupe të vogla qe sfidojnë statu quo-në dhe marrin kurajon për të ndryshuar pjesën e tyre të botës. Ai tha se “Ne Tirana” do ta ndryshojë politikën jo vetëm deri në 21 qershor, por edhe më pas.
Është folur shumë për rolin që kandidatët e pavarur kanë pasur në garën e Tiranës deri tani, por edhe për pritshmëritë rreth tyre. Ndër ta, Bojaxhi ka qenë një kandidaturë serioze, e cila mund të krijojë një energji pozitive rreth vetes edhe pas 21 qershorit. Natyrisht, duhet kaluar me sukses kjo pengesë më para.
