Pas deklaratatave të kryetarit të AK, Kreshnik Spahiu në emisionin “Zonë e Lirë”, ku tha se Edi Rama dhe Eduart Zaloshnja I ishin lutur atij të vendoste Gjergj Bojaxhiun të parin në listat e Tiranës që të përçante votat e djatha, ka reaguar ky I fundit sot.
Në një postim në facebook Bojaxhi, sot kandidat I pavarur për bashhkinë e Tiranës thotë se të gjtiha këto janë shpifje dhe se ai nuk çikurajohet nga balta.
“Të dashur miq,
Përbaltja dhe sulmet kundër karakterit përmes shpifjeve, trillimeve, gënjeshtrës, sharjeve e thashethemeve kanë qenë gjithmonë një nga mjetet më të fuqishme me të cilin regjimet autokratike dhe elitat e korruptuara kanë mbajtur pushtetin e tyre.
Skema është e thjeshtë: nëse dikush ngre zërin apo guxon t’i sfidojë, atëherë ai, jeta e tij, familja e tij, shoqëria e tij sulmohen e përbalten deri sa atë ta lërë vullneti e të tulatet sërish.
Kur së bashku i hymë kësaj sfide të vështirë për të ndryshuar qeverisjen e Tiranës, shumë nga ne e dinim që ata që kanë siguruar pushtet e pasuri përmes manipulimit, korrupsionit, grabitjes, keqbërjes e shkeljes së ligjit nuk duan që ne të reagojmë, nuk duan që ne të ngrejmë zërin, nuk duan që ne të veprojmë. Ata na duan apatikë, përtacë, të dëshpëruar, gojëkyçur, mendjembyllur. Ata duan që ne të mendojmë për të ikur nga ky vend e jo për ta ndryshuar atë.
Ndaj ata po përpiqen çdo ditë që përmes shpifjes dhe përbaltjes të mbjellin dyshim e mosbesim ndaj nesh e mes nesh. Sepse mosbesimi na mban të përçarë e të dobët. Sepse mosbesimi garanton mos ndryshimin. Sepse mosbesimi garanton sundimin e tyre.
Por ne, që kemi qenë të ndershëm në jetën tonë e që jemi sot të ndershëm në qëllimin tonë, nuk çkurajohemi. Ne besojmë tek njëri-tjetri. Ne besojmë tek forca jonë për të sjellë ndryshimin”, shkruan Bojaxhi.
