Në ditën ndërkombëtare të “Magna Carda” pedagogë, akademikë dhe pjestarë të shoqërisë civile dhe pjestare të grupimit “Ne Tirana” folën mbi gjendjen e lirisë dhe autoritarizmin. Kandidati për Bashkinë e Tiranës, Gjergj Bojaxhi në fjalën e tij tha se tërmeti politik kundër padrejtësive vjen përmes votës dhe elitave. Nëse ne nuk e thyejmë këtë arbitraritet sot – theksoi z. Bojaxhi – ne mbajmë të gjithë përgjegjësinë për këtë gjë. “A e pranon arbitraritetin një popull i cili del i gjithi në shesh për të festuar fitoren në një ndeshje sportive ndaj një fqinji, por e ka të vështirë të revoltohen nga videot e korrupsionit dhe mosndëshkimi i tij? A mjaftojnë protestat për importin e plehrave kimike për të shpresuar për përgjegjshmëri më të lartë politike të kësaj shoqërie? Ndoshta, por nga ana tjetër kemi parë sesi parti të akuzuar për korrupsion, rriten me disafish në numra deputësh.”
Gjatë diskutimit Bojaxhi theksoi se arbitrariteti i pushtetarëve të sotëm shqiptarë mposhtet përmes një pakice të vullnetshme që mund të tërheqë mbështetjen e pjesës më të vetdijshme të shoqërisë.
