Kandidati i pavarur për Bashkinë Tiranë, Gjergj Bojaxhi foli sot për një nga problemet më të rëndësishme të Tiranës shkollimin me dy turne në arsimin 9-vjeçar.
Bojaxhi u shpreh se është e papranueshme që sot të ketë dy turne nw shkollat e Tiranës. Kjo gjë jo vetëm ndikon cilësinë e shkollimit të fëmijëve, por krijon vështirësi të mëdha për prindërit dhe kujdesin e tyre ndaj fëmijëve.
“Unë jam një prind që e kam provuar me fëmijët e mi për 9 vjet vështirësinë e shkollimit me dy turne. Në Tiranë këto dy dekadat e fundit, janë ndërtuar me miliona metra katrorë ndërtime, por nuk janë ndërtuar shumë pak shkolla. Lulishtet, parqet, terrenet sportive, madje edhe vetë mjediset e shkollave u janë dhënë klientëve për të ndërtuar për vete, në vend që të përdoreshin për ndërtime shkollash. Etja për para dhe pushtet e politikanëve tanë ka sakrifikuar të ardhmen e fëmijëve tanë”, tha Bojaxhi.
Bojaxhi theksoi se vizioni jonë për Tiranën është ai i një qyteti që ofron jo vetëm banesë por të gjitha shërbimet dhe mundësitë për një jetë cilësore dhe dinjitoze. “Objektivi ynë është zhdukja e shkollimit me dy turne brënda katër vjetësh përmes ndërtimit të objekteve të reja arsimore dhe zgjidhjeve të tjera”, tha ai
