Trajneri i kombëtares shqiptare të futbollit, Gianni De Biasi, deklaroi sot me anë të një konference me “Skype”, se ndeshja me Danimarkën është një sfidë kyçe për ecurinë tonë në këto eleminatore.
De Biasi theksoi se skuadra është në një situatë delikate, pasi disa lojtarë nuk janë në formë. Ai tha se në fushë do të jenë lojtarët që janë në formë, ndërsa bëri të ditur se Erion Bogdani do të zëvendësojë Altin Lalën.
Duke bërë të ditur se nuk ka ngelur shumë kohë për ndeshjen me Danimarkën, De Biasi tha se është i ngarkuar për të plotësuar ëndrrën e të gjithëve.
“Nuk kënaqem me dy pikë në këto dy takime, duhet të jemi të aftë të shfrytëzojmë çdo detaj”, tha De Biasi.
Kombëtarja shqiptare do të zhvillojë dy ndeshje eleminatore për Euro 2016, me Danimarkën në Kopenhagen më 4 shtator dhe me Portugalinë më 7 shtator ne “Elbasan Arena”.
