Mes debatit të krijuar për këndin e lojërave që do të ndërtohet në kodrat e Liqenit Artificial në Tiranë, deputeti demokrat Gert Bogdani sjell një alternativë të re për ndërtimin e tij.
Bogdani publikon një foto nga google të të gjithë parkut dhe tregon se ku mund të ndërtohet pa kafshuar pjesë të tij dhe pa prekur pemët. Gjithmonë, sipas Bogdanit nëse Bashkia ka për zemër fëmijët e Tiranës dhe jo interesat e biznesit.
“Nëse vërtetë Bashkia ka për zemër fëmijët e Tiranës dhe jo interesat e biznesit; meqë #BashkiaQeNukDuam e Veliaj nuk janë lodhur ta shohin njëherë nga google-i parkun e vetëm të Tiranës; e për të ruajtur pemët dhe ‘kafshimin’ e mëtejshëm të parkut të vetëm të Tiranës; …me poshtë janë 3 opsione të shpejta se ku mund ta bëjnë këndin e lodrave!
1 – në hyrje të parkut, anash universitetit (gjithmonë, nëse nuk kanë parashikuar pallat)
2 – në krah të memorialit të anglezeve (gjithmonë nëse kanë në zemër interesat e fëmijëve, meqë është edhe më pak e populluar si rrugë)
3 – poshtë memorialit (gjithmonë nëse nuk i prish punë biznesit, meqë largohet nga fluksi i njerëzve)”, shkruan Bogdani.
