Britania duhet ta mbajë qasjen pa tarifa për vetura për tregun e vetëm të Bashkimit Evropian, ka thënë prodhuesi gjerman i veturave, BMW të martën, ndërsa një trup i industrisë ka thirrur për mbajtjen e tregtisë së lirë në BE edhe pas Brexit, transmeton koha.net.
Të martën, kryeministrja Theresa May ka thënë se Britania do të largohet nga tregu i përbashkët i lirë i BE-së por do të kërkojë tregti të papenguar me bllokun.
Por BMW, e cila prodhon veturat “Mini Couper” në fabrikën e saj në Oxford, e cila është prodhuese e më shumë se 10 për qind e të gjitha veturave britanike të prodhuara britanike, ka thënë se May duhet të mbajë tregun e lirë me Bashkimin Evropian.
Bashkimi doganor është shumë i çmuar në industrinë e veturave, pasi afër 60 për qind e pjesëve të fabrikave të veturave në Britani prodhohen jashtë saj, dhe shumë komponentë udhëtojnë në shumë shtete disa herë, deri në prodhimin final. (b.an)
