Blushi: T’i hapim dyert për emigrantët, t’mos ndërtojmë mure/ Përgjigjet Tahiri

Nga aula e kuvendit, deputeti socialist Ben Blushi i ka kërkuar qeverisë shqiptare që të mos mbyllë kufinjtë për emigrantët sirianë, të cilët kanë mgecur në kufirin grek dhe maqedonas. Ben Blushi i ka bërë thirrje maxhorancës që të hapë dyert dhe të tregohet solidar për emigrantët.

“Një valë e re refugjatësh janë bllokuar sot në Greqi. Maqedonia sic e dini ka bllokuar kufinjtë për ta. Ky parlament ka detyrë të adresojë se cfarë do të bëjë Shqipëria. Cfarë do të bëjmë ne? Do ti mbyllim kufinjtë, do ti dëbojmë me polici siç kanë bërë vendet rreth nesh. Unë nuk mendoj se kjo është ajo që duhet bërë.

Ne ishim i vetmi vend që kemi strehuar hebrenjtë, kemi përjetuar gjenocid, pushtim, fashizmin, komunizmin dhe tranzicion të gjatë që ka shkaktuar shumë emigracion. Për shkak se kemi emigruar vetë nuk duhet të jemi diskriminues se ai që vuan nuk mund të shohë të tjerët të vuajnë, ne nuk mund t’i mbyllim dyert emigrantëve, pavarësisht nga kostot që mund të kemi. Ndoshta sirianët apo afganët që ikin nga lufta nuk do kenë kurrë nevojë për ne, po nëse kanë, ne nuk duhet t’i zbojmëNdoshta sirianët dhe të tjerët ndoshta nuk do të kenë nevojë për ne, por kjo nuk do të thotë se ne nuk duhet t’i ndihmojmë.

Varfëria mer dinjitet kur ndahet me të tjerët. Në këto raste nuk është xhepi dhe mundësia e një populli që duhet të vendosi, por është mendësia, zemra dhe mendja.”- tha Blushi.

Në përgjigje të Ben Blushit ka folur Ministri Brendshëm Sajmir Tahiri, duke shpjeguar se deri më tani nuk ka patur asnjë tentativë për të vënë mure në kufinj apo për të vendosur të kundërtën. Tahiri tha se Shqipëria nuk do të marrë asnjë vendim unilateral kur vjen puna tek lejimi apo i emigrantëve sirianë.

“Jemi vendi i parë që ka kërkuar të marrë përgjegjësi në kuadër të bashkëpunimit mes rajonit dhe BE se kjo cështja s’lë dot në cep asnjë vend. Qeveria nuk kishte asnjë dyshim edhe te deklarimit për ta trajtuar bashkë krizën, se nuk i dilet vetëm. Përballë domosdoshmërisë për t’iu përgjigjur me solidaritet e për të gjetur bashkim brenda Europës pavarësisht kufijve, kërkuam që zgjidhja europiane të jetë unike. Pa evituar masat që ka marrë Shqipëria për tu përballur në rast emergjence, institucionet janë reshtuar me urdhër të kryeministrit në një grup pune që mblidhet cdo javë, por një zgjidhje nuk vjen nga secili vend vetëm, apo vullneti i cdo vendi për të hapur apo mbyllur kufijtë, ne nuk kemi diskutuar as të ngremë mur as të hapim kufijtë, nuk është kjo cështja, se nuk ka zgjidhje nëse nuk zgjidhet bashkë nga vendet.”-tha Tahiri.