Deputeti i PS Ben Blushi pas daljes nga mbledhja e Asmblesë sërish ka theksuar qëndrimin e tij për zgjedhjet për kryetar në PS, duke kiritikuar kryesocialistin Rama.
Blushi tha se mandati i kryetarit ka mbaruar në vitin 2013 dhe se nuk duhet të vendosë Kongresi për mandatin e tij.
“Në mënyrë imponuese kjo mbledhje u detyrua të merrte një vendim që nuk mund ta merrte. Kanë marrë një vendim që të gjithë anëtarët e Partisë Socialiste, çdo organizatë ,çdo kryetar partie në rreth. Të zgjidhen të gjithë me përjashtim të një kryetari që është kryetari i PS-së. Pra mendoni një parti ku çdokush zgjidhet por kryetari i partisë jo. Këtë e unë e konsideroj një gjë arbitrare. Kryetari i PS-së mori një mandat të përhershëm, shpresoj të mos jetë i përjetshëm se ska mundësi. Eshtë e gabuar ,kongresi nuk kishte pse vendoste për mandatin e tij sepse afati i mandatit të kryetarit të partisë ka skaduar në vitin 2013. Pra e çuan në vitin 2016. Nëse kongresi nuk e vendos e çojmë në 2020. Kur pra do të ketë zgjedhje për kryetarin e Partisë Socialiste?! E thashë brenda dhe më vjen keq,është dhe për të qeshur dhe për të qarë. Eshtë partia më unike në planet që zgjedh çdo njeri përveç kryetarit. Shpresoj ta kem gabim por ky është vendimi që u mor sot edhe ju perveçse gazetarë jeni qytetarë. Dhe si mund të pranoni ju që partia e qeverisë suaj është demokratike që nuk zgjedh kryetarin e vet i cili thotë kur humb zgjedhjet ta ndryshojmë statutin sepse i humba padashje..
Pyetjes nëse i trembet një përjashtimi të mundshëm nga PS, Blushi i është përgjigjur sërish me pyetje: “A ka parti që të përjashton sepse kërkon zgjedhje?”, duke shtuar se së shpejti do të sqarojë nëse do kandidojë për kryetar të PS-së.
