Për deputetin Ben Blushi reforma në drejtësi është afër dështimit dhe si argument kryesor për këtë, socialisti thekson se është paaftësia për të gjetur një konsensus. Blushi e krahasoi reformën si diçka që është futur brenda një kutie të vogël (parlamentit), e duke ndenjur shumë brenda kësaj kutie, ajo ka filluar të marrë erë.
“Mesa duket reforma në drejtësi është shumë afër dështimit… Pa dyshim që reforma në drejtësi nuk kalon, jemi prap ne që jemi pas një jave, pas një dite e me shumë mundësi pas një viti. Por cështja është kush e paguan këtë kosto…. Unë nuk kam besim se poas një jave ne do të votojmë reformë në drejtësi, për shkak të paaftësisë për të gjeneruar konsensus mes nesh. Ne nuk duma të shkojnë në BE, sepse nuk duam të jetojmë në një regjim tjetër. Do ishte një mrekulli sikur do ta votonim reformën pas një jave, edhe pse më duket e pamundur.”- tha Blushi.
Blushi i është referuar edhe aksidentit tragjik të ditës së djeshme, duke shtuar se problemi është pikërisht mungesa e drejtësisë.
“Një grua dje, u përplas nga një i cmendur dhe humbi jetën. A ka lidhje kjo me reformën në drejtësi? Po ka, sepse ai ishte dënuar dhe gjykata e kishte liruar.”- tha Blushi.
Deputeti i majtë ka kritikuar maxhorancën, duke thënë se Rilindja nuk po liçenson zgjedhjet në Dibër e Kavajë.
“Ju pyes unë juve, kush e qeveri bashkinë e Kavajës sot, një njeri që qeveris nga shtëpia?! Shkojmë në Dibër po të doni ju! Më thoni pra, kush i qeveris këto dy qytete?!”- shtoi Blushi.
Në lidhje me amendamentin e tij dhe të disa deputetëve, që Presidenti të zgjidhet nga populli, Blushi ironizoi PDIU-në si dhe deputeten Mesila Doda.
“Ishte qimja e PD-së, ndërsa sot bën fshesën e rilindjes… kjo partia që na akuzon dhe pretendon se ka një amendament, në fakt nuk ka.”- shtoi Blushi./java/a.k
