Në fjalimin e tij në seancën parlamentare, deputeti socialist Ben Blushi tha se problemi kryesor në Shqipëri mbetet klasa politike dhe fakti se asnjë reformë që ka ndërmarrë kjo klasë nuk ka qenë e drejtuar kah tyre. Sipas Blushit, njerëzit pyesin se përse lighjet që miratohen në parlament prekin vetëm qytetarët dhe kurrë politikanët. Deputeti socialist thekson se për të njëjtën logjikë, në Shqipëri njerëzit nuk largohen jashtë vendit vetëm për shkaqe ekonomike, por edhe për faktin se besojnë se klasa politike nuk do të ndëshkohet ndonjëherë.
“Duke u zvogëluar kaq shumë ne nuk qeverisemi dot më… dhe besoj se europa po bën me gjithë mundësitë e saj të na integrojë… duket sikur në parlamentin shqiptar ka dy palë, njëra do të bashkohet me europën dhe tjetra që do të na largojë nga ajo… ndërsa pala e tretë e humbur mbesin shqiptarët… integrimi i shqiptarëve është shtyrë e shtyrë… Unë jam i bindur se europarlamentarët kur na shohin bëjnë të njëjtën pyetje :” ore duan këta duan të integrohen apo jo?”…. do them dy fjalë… kolegët e opozitës e kushtëzuan reformën në drejtësi me linjën e dekriminalizimit, sepse ky parlament sipas tyre(dhe deri diku kanë të drejtë), nuk kanë të drejtë të votojnë për refomën në drejtësi, në kushtet kur parlamenti është i mbushur nga kriminelët.
Në të vërtetë ky është perceptimi popullor i njerëzve, që ne bëjmë ligje që kapin tjerët dhe jo ne… ky parlament ka aq shumë njerez me të shkuar kriminale saqë mua më duket vetja sikur jam në kushtet e paraburgimit… Ne do të hyjnë në analet e historisë si parlamenti më qesharak dhe më i turpshëm.
Pyetja ime është: a do ishte ky parlament kaq i shëmtuar nëse në shqipëri do kishte një drejtësi të pavarur? Unë them se jo. Drejtësia dhe vetëm drejtësia do të ishte rruga e duhur dhe e vetmja mundësi për të mos patur këtë lloj parlamenti.
Unë nuk besoj më se dy palët në parlament kanë fuqi, aftësi dhe kompetencë për ta pastruar këtë parlament. E para është populli shqiptar, nëse ai jep vendimin për të na nxjerrë të gjithëve jashtë ne skemi si e ndalojmë, por kjo ende nuk ka nodhur. E dyta do të ishte drejtësia e pavarur. Nëse ka një punë së cilës nuk mund ti ikim dot është reformimi i drejtësisë. I vetmi akt moral i fundit i këtij parlamenti do të ishte dorëzimi i parlamentit tek drejtësia.
Ka një debat të madh që në fakt e bëjmë ne dhe njerëzit e thjeshtë: kush meriton të bëjë burg?
Këtu shkon në burg se proteston, shkon në burg si konsumator se nuk ke kupon, shkon në burg si gazetar se thua gënjeshtra etj… po politikan shkon në burg?!…
Ne nuk kemi bërë asnjëherë asnjë ligj apo reformë që të na ndëshkojë neve, të zgjedhurit dhe jo zgjedhësit, popullin.
Nuk ka asnjë vend që edukon më keq se ne rininë e vet… 200 mijë shqiptarë kanë aplikuar për në llotarinë amerikane. Pyetja është pse po ikin?! Nuk po ikin se janë vetëm të varfër, por po ikin për shkak se besojmnë se ata që i bëjnë më shumë dëm këtij vendi, që jemi ne, nuk do të ndëshkohen. Ne jemi e vetmja klasë politike në vend të cilës po i ikin zgjedhësit e vet.” – tha Blushi
