Kreu i LIBRA, deputeti Ben Blushi ka ironizuar me paktin e arritur mbrëmë mes kryeministrit Rama dhe kreut të PD-së, Basha. Duke çmuar si pozitiv pjesëmarrjen e PD-së në zgjedhje, Blushi shkruan se nëse marrëveshja prodhoi vetëm shtyrjen e zgjedhjeve, çadra nuk ka vlejtur për hiçgje.
Ai nuk e ka kursyer ironinë me Bashën, teksa i kujton: Luli sot duket si zëvendekryeministër i Edit. Urime Luli! U nise të zëvendësoje Saliun, zëvendësove Nikon!
Postimi i Blushit
URIM PËR MARRËVESHJEN
Është kënaqësi që PD dhe aleatët u kthyen në zgjedhje pasi ky vendim jep më shumë garanci për njohjen e zgjedhjeve.
Megjithatë nëse kanë qëndruar në cadër vetëm për të shtyrë zgjedhjet atëherë kjo sakrificë nuk ja ka vlejtur.
Zgjedhjet janë më të mira jo vetëm kur ka më shumë parti, por kur ka më shumë standart. Sidoqoftë një pikë e marrëveshjes duket sikur ka hyrë ne fuqi që dje: Luli sot duket si zëvendekryeministër i Edit. Urime Luli! U nise të zëvendësoje Saliun, zëvendësove Nikon!/a.ç
