Deputeti socialist Ben Blushi ka komentuar nga foltorja e Parlamentit procesin për reformimin e sistemit të drejtësisë. Ai ëhstë shprehur mosbesues për reformën, teksa tha se nuk beson se ajo do të pastrojë sistemin nga të korruptuarit. Këtë deklaratë ai e dha gjatë fjalimit që mbajti për projektligjin e regjistrimit të emigrantëve, duke shtuar se duhet të favorizojmë të kthehen ata që kanë studiuar në perëndim.
“Kam përshtypjet sikur Shqipëria ëhstë khtyer në një kafaz, në një burg për të varfrit. Emigramntët nuk na duhen vetëm për votat, ata na duhen në fakt për të ndryshuar Shqipërinë. Thuhet se ne kemi vende pune por nuk kemi profesionistë. E dini kush janë shqiptarët më të kualifikuar? Janë emigrantët për shkak se si erdha koha shkuan në Evropë. Çështja jonë strategjike është si t’i bindim këta njerëz të kthehen. Në qoftë se sot me statisitkë 60 shqiptarë duan të ikin nga Shqipëria ka 70 që duan të kthehen. Sigurisht që nëse ne qeverisim më mirë ata duan të kthehen. Unë besoj se ka ardhur koha më shumë se kurrë për një administratë që pranon ata që shkollohen në perëndim. Është hapur debati për reformënnë drejtësi, unë jam nga ata që e inkurajoj. Por kam dyshim se kjo reformë do pastroj gjyqtarë dhe prokuror të arrestuar. Është një shans i mirë që ata të shkolluar që vijnë nga perëndimi të zëvendësojnë këta të korruptuar. Ata mund të bëjnë drejtësi se kanë ikur nga Shqipëria për shkak të padrejtësive.”, tha Blushi.
Më tej, deputeti i cili ka sfiduar kryemisnitrin rama për postin e kreut të PS, tha se duhet të qeverisim më mirë që shqiptarët të mos largohen.
“Shqipëria është një vend i vogël. Kemi qenë 4 milion para 25 vitesh jemi më pak se 2.8 milion. Fatkeqësisht e them që Shqipëria po zvogëlohet. Në qoftë se vazhdon me këtë ritëm mund të ikin edhe 1 milion të tjerë. Në qoftë se nuk duam të zvogëlohemi të paktën duhet të bëjmë dy gjëra, të frenojmë emigracionin duke qeverisur më mirë dhe duhet të stimulojmë lindjet”, tha Blushi.