Gjykata Kushtetuese nis shqyrtimin e ankimimit të PD-së që kërkon shfuqizimin e ligjit për funksionimin e organeve të reja të Drejtësisë. Konkretisht ku bëjnë pjesë KLGJ e KLP. Në një kohë kur ka nisur zbatimi i Reformës në Drejtësi dhe ngritja e organeve të reja të këtij sistemi, PD është pozicionuar kthjelltësisht kundër Reformës në Drejtësi. PD kërkon shfuziqimin e 11 neneve të ligjit “Për organet e qeverisjes së sistemit të drejtësisë”, per ta zhbërë teresisht atë.
Kushtetuesja do të shqyrtojë nëse ligji për organet e qeverisjes së drejtësisë përfshi Këshillin e Lartë Gjyqësorë (KLGJ) dhe atë të Prokurorisë bien apo jo ndesh me Kushtetutën. Padia u depozitua nga Partia Demokratike, ndërsa ndër nenet që kundërshtohen është dhe mënyra e përzgjedhjes dhe votimit për anëtarët e KLGJ e KLP.
Por cfarë përmbajnë këto nene, referuar përmbajtjes së ligjit këto lidhen me mënyrën e përzgjedhjes së kandidatëve për këshillin e lartë gjyqësorë dhe atë të prokurorisë, me mënyrën e votimit të tyre, si dhe me verifikimin e pasurisë. Një tjetër pikë që kundërshton PD është dhe mënyra e përzgjedhjes së anëtarëve për KLP e KLGJ nga radhët e Shoqërisë Civile. Përfshirë këtu dhe padinë e ligjit më të rëndësishëm të reformës sic është Vettingu. Kjo është hera e 4 kur Kushtetuesja do të investohet për të vlerësuar nëse një ligj i paketës së reformës për drejtësi është apo jo antikushtetues.
ma.me
