Peshkatarët e Portit të Durrësit kanë bojkotuar sot punën në shenjë proteste pas bllokimit të 70 anijeve të peshkimit. Dje ka ardhur urdhritnë dispeçerinë e peshkimit dhe në Policinë Kufitare për bllokimin e mjeteve të lundrimit që nuk kanë pajisje GPS, e cila duhet të jetë funksionale në momentin kur anija del për lundrim.
Sipas protestuesve, ky urdhër është abuziv, pasi ata disponojnë pajisje lokalizimi. Ata shtojnë se masa për bllokim të anijeve ka penalizuar gjithë industrinë e peshkimit,.
“Urdhri për vendosjen e GPS është abuziv. Urdhri erdhi pasi një kompani fitoi tenderin për pajisjet. Ato janë të kushtueshme, 2-3 mijë euro secila. Ne i kemi pajisje GPS të cilat janë funksionale dhe s’kemi pse të marrim pajisje të reja me kosto të lartë”, thonë peshkatarët.
Ky urdhër për pajisje me GPS erdhi pas pengmarrjes së anijes Çelepia 2 nga një marinar egjiptian.
BW/d.i.
