Autoriteti Kombëtar i Ushqimit, ka bllokuar një sasi të madhe mishi që vinte nga Brazili.
Ngarkesa e ndarë në dy kontejnerë ka qenë rreth 50.2 tonë. Kjo sasi mishi u bllokuapasi nga analizimi i monstrave ka patur prezencë salmonele.
“Në kuadër të masave të gjithanshme të MBZHR-së për kontroll efikas për sigurinë ushqimore, AKU ka vijuar me kontrollet rigoroze të ngarkesave me produkte shtazore nga importi.
Kështu së fundi AKU ka bllokuar dy kontenierë me mish, të importuara nga Brazili, në total 50.2 tonë mish, pasi nga analizimi i mostrave u konstatuan me prezencë “salmonella”. Po vijojnë procedurat për kthimin në origjinë të produktit”, raporton AKU.
Gjatë këtij viti nga AKU-ja janë bllokuar e kthyer në origjinë edhe 5 kontenierë të tjerë, me 130 tonë mish. Numri total i ngarkesave të importuara nga Brazili gjatë kësaj periudhe të vitit është 195 kontenierë. secili prej të cilëve është kontrolluar e analizuar.
Kontrollet efikase të shoqëruara me cilësinë e analizave janë garanci e plotë, që produktet që futen në treg janë të sigurta./a.m.
