Drejtoria e Hetimit Tatimor, kreu mbrëmjen e së enjtes, bllokimin e lokalit të njohur në mes të Tiranës, Taivan, në kuadër të aksionit antiinformalitet. Lajmi u publikua edhe nga vetë zv/kryeministri Erion Braçe përmes një postimi në rrjetet sociale, i cili theksonte se aksioni i nisur me dorë të hekurt nga drejtoria e përgjithshme e Tatimeve, nuk do të kursejë askënd, nëse kapet në shkelje të ligjit.
Në postimin e tij Braçe publikonte foto nga lokali në fjalë, ndërsa në dyert e lolalit ishin vendosur shiritat “Hetimi Tatimor”. Zv/kryeministri shkruan se “Mu në zemër të Tiranës dhe pa asnjë-zero kupon tatimor në çdo tavolinë! Për herë të dytë!!”
Ndërkohë në një reagim për “BalkanWeb” menaxheri i këtij lokali, shprehet se nga aksioni i inspektorëve tatimorë, ka rezultuar se pa kupon tatimor, ka qenë vetëm një prej tavolinave, faktuar kjo edhe në procesverbalin e hartuar prej tyre.
“Nga të gjitha tavolinat e mbushura me kliente, kanë gjetur vetëm 1 pa kupon dhe vlerë e faturës është 4.300 lekë. Eshte abuzimin i njerit prej kamariereve, i cili u pushua menjehere nga puna”. Sipas tij punonjesit e tatimeve kane urdheruar bllokimin e te gjitha njesive ne te dy katet e godines, per kete fature te munguar, duke lene ne pune vetem kazinone e cila ndodhet ne katin perdhes.
Menaxheri i Taivan thekson se do të apelojë masën e marrë nga drejtoria e hetimit tatimor, duke kërkuar lirimin e ambjenteve të bllokuara. Gjithashtu në apelimin e masës do të kërkohet edhe zhdëmtimi ekonomik ashtu si edhe për prishje të imazhit, duke marrë parasysh faktin se bllokimi i lokalit është kryer në kulmin e sezonit turistik.
Ne fakt duket absurde qe zv kryeministri ne statusin e tij reklamon qe ne lokal jane gjetur te gjitha tavolinat pa kupon tatimor, nderkohe qe ne procesverbalin e mases se marre nga Tatimet, rezulton vetem njera prej tyre pa kupon.
Bllokimi i lokalit perpos show qeveritar mund te rezultoje me humbje per financat e tatimeve, duke patur parasysh se gjate periudhes se bllokimit nuk do te realizohen te ardhura qe vijne nga taksimi i xhiros se lokaleve ne godinen e njohur ne qender te Tiranes. Per me teper keto humbje mund te shtohen nga nje vendim i pritshem i gjykates per demin ekonomik e te imazhit te Taivanit.
g.kosovari
