Ish ministri i Brendshem Saimir Tahiri është paraqitur sot në Gjykatën e Krimeve të Rënda për t’iu komunikuar masa shtrënguese që ka marrë ndaj tij gjykata, për bllokimin e pasaportes dhe mos lejimin e tij të largohet nga Shqiperia.
Seanca te Krimet e Rënda drejtohet Liljana Baku, e cila është edhe gjyqtarja që ka shqyrtuar masën e sigurisë.
Ish-ministri shoqërohet nga avokati i tij, Maksim Haxhia i cili do të dorëzojë edhe nje kërkesë për ndryshim të kësaj mase sigurie.
Ish-ministri Tahiri do të duhet të përgjigjet për të gjitha çështjet që kanë dalë nga përgjimet e Habiljave dhe të dhënat e tjera të siguruara nga Prokuroria e krimeve të rënda. Kështu Tahiri do të pyetet për njohjet me Orest Sotën dhe lëvizjet me automjetin “Audi”, nëse i ka njohur Habilajt kur i ka takuar, apo akuzat se Tahiri ka përfituar dhurata nga Habilajt.
Saimir Tahiri po hetohet për lidhje me grupin kriminal Habilaj, pasi përmendet në disa përgjime dhe akuzohet se favorizoi trafikun e kanabisit
a.ç
