Ka dështuar për herë të katërt normalizimi i seancës plenare të Kuvendit, pasi deputetët e PD-së, me në krye Lulzim Bashën mbajnë të bllokuar foltoren, duke penalizuar zhvillimin normal të punimeve të Kuvendit.
Pas vendimit të Ruçit për përjashtimin e Bashës nga seanca plenare, lideri i opozitës refuzon të largohet nga foltorja e Kuvendit.
Në rinisjen për herë të katërt të seancës Ruçi njoftoi shtyrjen e saj në 13:00, duke shmagur kështu nxjerrjen me forcë të Bashës nga garda jashtë parlamentit
“Seanca rinis në orën 13:00”, tha Ruçi
Pavarësisht ndërprerjes së seancës për dy orë, deputetët e PD, vijojnë të mbajnë të bllokuar foltoren e parlamentit.
Si nisi përplasja?
Ruçi hodhi poshtë kërkesën e PD-së për debatin për komisionin e reformës zgjedhore pasdite, ndërkohë që me votim u vendos që ky diskutim të shtyhej për javës tjetër.
Debati nisi për komisionin e posaçëm parlamentar të reformës zgjedhore. Grupi parlamentar i PD kërkonte që të bëheshin diskutime për komisionin e reformës zgjedhore, pasi kishin depozituar kërkesën në sekretarinë e kuvendit.
Ndërkohë, me miratimin e grupit të PS dhe të LSI, u votua që ky diskutim të bëhej seancën e radhës në mënyrë që të përgatiteshin të gjitha palët.
Pas votimit që diskutimi të shtyhej të enjten e ardhshme, Basha i kërkoi Gramoz Ruçit që të mblidhte Konfrencën e Kryetarëve për këtë çështje dhe të mos i heqë opozitës të drejtën për diskutim.
javanews/a.ç
