Kryetari i PD-së, Lulzim Basha do të organizojë nesër një aktivitet paralel me Kuvendin e thirrur nga Sali Berisha.
Ndërsa “tubimi” i ish-kryeministrit Sali Berisha do të mbahet në stadiumin “Air Albania”, Basha ka zgjedhur selinë blu për të përkujtuar 11 dhjetorin e 1990.
Lëvizja e Lulzim Bashës, shihet si një tentativë për të sfumuar aktivitetin e thirrur me pompozitet nga ish-kryeministri, i cili është shpallur “non grata” nga selia blu.
“Demokracia u transformua nga një koncept në një ideal të pathyeshëm më 11 dhjetor 1990, në ditën kur vlerat dhe liria e shqiptarëve triumfuan mbi gjithçka. Le të kremtojmë sëbashku në këtë ditë të shënuar”, thuhet në ftesën e Lulzim Bashës për demokratët.
Me sa duket Basha kerkon ta mbaje te bllokuar nga mesdita e nesermeve seline e PD, nga frika e ndonje “intervenmimi” te mundshem te mbeshtetesve te Berishes pas perfundimit te Kuvendit, per ta “pushtuar” ate.
Pak më herët, sekretari i Përgjithshëm i PD, Gazment Bardhi deklaroi se 69% e delegatëve të Kuvendit Kombëtar kanë konfirmuar pjesëmarrjen në 18 Dhjetor.
Konkretisht, sipas tij, janë 352 anëtarë nga Dibra, 326 nga Korça, 287 nga Berati, 258 nga Lezha, 389 nga Shkodra, 205 nga Gjirokastra, 342 nga Vlora, 508 nga Fieri, 308 nga Durrësi, 544 nga Elbasani, 1326 nga Tirana dhe 112 nga Kukësi. Nga anëtarësia e Këshillit Kombëtar kanë firmosur 302 delegatë./m.j
