Policia e Shtetit ka dorëzuar në Prokurori provat e mbledhura ndaj kandidatit të PD për bashkinë e Vorës Fiqiri Ismaili i vënë nën akuzë për manipulim zgjedhjes dhe blerjes votash.
Ditën e sotme uniformat blu dorëzuan pranë organit të Akuzës provat që imlikojnë Ismailin në blerjen e votave për rreth 10 mijë lekë të reja, apo edhe me thasë mielli.
Të shtunën e kaluar, ishte policia e cila nisi procedim penal ndaj kryebashkiakut aktual të Vorës Fiqiri Ismaili. Kjo pasi blerja e votave konsiderohet si krim elektoral, në një kohë që kanë mbetur më pak se 6 ditë nga zgjedhjet vendore.
Procedimi ndaj Ismailit nisi pas denoncimit në media të dy personave. Kjo ka shkaktuar edhe reagime të forta politike ndërmjet LSI-së dhe PD-së për tentativë të manipulimit të zgjedhjeve nga këto të fundit.
