Ish-prokurori, Shkëlqim Hajdari, ka komentuar vizitën e sekretarit të shtetit amerikan Antony Blinken në Tiranë këtë javë.
Në një intervistë për Euronews Albania, Hajdari tha se Blinken vjen për të falënderuar qëndrimin e Republikës së Shqipërisë në të gjithë agjendën ndërkombëtare dhe pozicionimit të saj.
Përsa i përket takimit me kreun e SPAK Altin Dumani, tha se është hera e parë që një sekretar i shtetit amerikan të takojë kreun e një agjensie ligjzbatuese.
“Nisur mga agjenda e sekretarit të shtetit takimi me kryeministrin është gjithëplanësh. Shqipëria ka kohë që është vendosur në boshtin euro-atlantik, pro perëndimit në luftën që bëhet në Ukrainë.
Në këtë kuptim Blinken vjen për të falënderuar qëndrimin e Republikës së Shqipërisë në të gjithë agjendën ndërkombëtare dhe pozicionimit të saj. Sigurisht vjen për të falënderuar dhe mbështetjen nga pikëpamja e gjesteve të mbështetjes së afganëve.
Vjen dhe për ngjarjet që lidhen me Ballkanin, ku Shqipëria ka qenë lojtarja kryesor pro perëndimor mes Perëndimit dhe Rusisë.
Nisur nga kjo veçanti mendoj se SPAK mbetet institucioni më i besueshëm në Shqipëri dhe i pavarur që ka marrë përsipër të përmbush detyrimet ligjore”-tha ai./m.j
