Policia blindoi të gjithë perimetrin e spitalit të Traumës në kryeqytet pasditen e sotme, në pritje të një prej tre të plagosurve nga atentati me armë zjarri ndaj prokurorit Arjan Ndoja te mbikalimi i Shkozetit.
Rreth orës 17:46, te Trauma mbërriti i plagosuri Andi Maloku, 30 vjeç, për mjekim të specializuar.
Ai ka marrë plumb në gjoks.
Ndërkohë prokurori Ndoja dhe i plagosuri tjetër po trajtohen në spitalin e Durrësit, dhe ndodhen jashtë rrezikut për jetën.
