Ekipi kombëtar i Serbisë mbërrin sot në Tiranë për ndeshjen e së shtunës, më 7 qershor në orën 20:45, ku do të përballet me Shqipërinë në kualifikimet për Kupën e Botës 2026. Ky përballje është vlerësuar nga UEFA si një nga më të rrezikshmet e grupit.
Skuadra e drejtuar nga trajneri Dragan Stojković pritet të arrijë pas orës 14:00 dhe do të strehohet në një hotel pranë stadiumit “Arena Kombëtare”.
Gjatë gjithë qëndrimit në Rinas dhe më pas në Tiranë, delegacioni serb do të jetë nën masa të rrepta sigurie të garantuara nga policia shqiptare, për të shmangur çdo incident.
Përveç kësaj, Serbia do të ketë edhe stafin e vet të sigurisë dhe kuzhinierin personal, që do kujdeset për dietën dhe energjinë e futbollistëve.
Ky kujdes i veçantë ndaj ushqimit është pjesë e përgatitjeve të ekipit për një ndeshje kyçe që pritet të vendosë për vendin e dytë në Grupin K, ku Shqipëria dhe Serbia pritet të luftojnë deri në fund të kualifikueseve.
Sfida Shqipëri–Serbi do të zhvillohet ditën e shtunë, më 7 qershor, në stadiumin ‘Air Albania’ dhe do të transmetohet live dhe ekskluzivisht në ekranin e Televizionit Kombëtar Klan në orën 20:45.
