Vendimi i fundit i qeverisë për uljen e pragut të blerjeve online nga 20 mijë lekë në 22 euro dhe 45 euro për dhuratat që mund të marrin nga të afërmit, të cilët jetojnë jashtë, ka shfaqur pakënaqësi tek qytetarët. Ata thonë se ulja e kufirit të taksimit do të frenojë blerjet online dhe dërgesat nga jashtë.
“Po blej shumë shpesh, tani me këtë vendimin e fundit do blej shumë shpesh por nga pak. Nuk jam fare dakord me këtë vendim sepse blej shumë, jam një konsumatore shumë e rregullt e blerjeve online dhe nuk jam dakord për vetë faktin sepse këtu dyqanet janë me po të njëjtat veshje dhe aksesorë si blerjet online dhe janë 5-fishi i çmimeve”, shprehet një qytetar.
Gazetarja: Çfarë keni blerë kohët e fundit online?
Qytetari: Veshje, 20 euro-30 varet nga firma dhe këtu i gjen me 5-fishin e çmimit.
Qytetari: S’kemi çfarë të bëjmë tani normalisht që është për keq.
Gazetarja: Çfarë blini zakonisht?
Qytetari: Produkte sportive se janë cilësia më e mirë dhe çmime shumë të lira. Mos të them që ata online i marrin të gjitha për vete dhe na I shesin ne më shtrenjtë.
Qytetarja: Mendoj që është pak e padrejtë dhe fakti që blejmë online do të thotë që i kemi më lirë ti marrim andej sesa ti marrim këtej dhe janë më cilësore por do ta kushtëzojmë pak blerjen online, por shpresojmë që ta rrisin të paktën të ketë deri në 50 dollarë ose euro jo në 20 sa është aktualisht sepse asnjë lloj blerje nuk mund të blesh poshtë 22 euro.
Gazetarja: Çfarë blini zakonisht online?
Qytetarja: Po varet të gjitha produktet e veshjeve variojnë nga të gjitha llojet ka dhe low cost por variojnë.
Ky vendim më shumë se qytetarët vendas duket se po prek të huajt që jetojnë në Shqipëri.
Qytetari i huaj: Qeveria po dekurajon blerjet online kjo gjë është një shumë qesharake për t’u paguar 22 ose 45 euro. Ky nuk është një akt i mirë për një vend që synon të modernizohet. Unë kam porositur ilaçe në SHBA të cilat janë falas për ish-ushtarakët e dalë në pension.
Sipas të dhënave nga postat shuma e blerjeve luhatet nga 100-900 euro, por pjesa më e madhe e pakove kanë një vlerë rreth 100 euro. Me ndryshimet që qeveria bëri për taksën e blerjeve online pagesa do të jetë 22.5 euro më shumë. Vendet nga të cilat qytetarët shqiptarë marrin më shumë dërgesa janë Italia dhe SHBA.
BW/d.i.
