Këngëtarja Bleona Qereti është artistja e cila ia ka dalë mbanë përtej trojeve shqiptare. Prej vitesh ajo jeton në Shtetet e Bashkuara të Amerikës ku dhe ka bërë që emri i saj të dëgjohet.
Së fundmi, këngëtarja ka dhënë një intervistë për revistën “Living” ku dhe ka ndarë një perspektivë ndryshe kur bëhet fjalë për krahasimet me emra të njohur si, Dua Lipa, Bebe Rexha e Rita Ora.
Bleona ka thënë se rrugëtimi i saj aritistik ndryshon nga ai i këngëtareve të tjera dhe nuk gjen arsye për krahasime.
“Dua Lipa dhe Rita Ora i përkasin sistemit amerikan; ato janë, teknikisht, këngëtare britanike apo amerikane me origjinë shqiptare. Unë nuk kam arsye të krahasohem me to, sepse rrugëtimi ynë është tërësisht i ndryshëm. Ato nuk kanë ndenjur në radhë për bukë si të gjithë ne në vitet ’90, nuk kanë pasur një karrierë në Shqipëri dhe më pas të kenë kaluar në skenën ndërkombëtare. Ato janë formuar atje, ndërsa unë jam rritur dhe kam filluar këtu, në Shqipëri”, tha Bleona.
/a.r
