Kur shkoi për të blerë një pako oriz në supermarket, e dinte që do të hante një pjatë ekzotike.
Kjo pasi pakoja e orizit indian që bleu ishte e gatuar, por nuk ia merrte mendja se do gjente një përbërës të padëshiruar.
Pasi e ngrohu orizin në mikrovalë, Richard Leech, zbuloi se në ushqimin e darkës së tij ndodhej një mi i ngordhur.
Ngjarja shokuese ndodhi këtë të hënë në Angli, ku Leech e denoncoi gjithçka me anë të një postimi në Tëitter, duke shigjetuar edhe supermarketin ku e bleu.
“Përshëndetje Likl. Pyes veten nëse mund të më informoni se si përfundoi ky mi në pakon time të orizit. Tani shtëpia ime vjen erë mi i ngordhur dhe ime shoqe ka vjellë në mënyrë të pakontrolluar”, shkroi Richard Leech, citon noa.al.
Ndërkohë rrjeti i supermarketeve, reagoi duke thënë se, “Na vjen keq për gjithë sa ka ndodhur dhe i kemi kërkuar më shumë informacion klientit, në mënyrë që të verifikojmë kontrollin e cilësisë”.
/b.d
