Blen “Google.com” për 12 dollar
Sanmay Ved, ish punojës në departamentin e marketingut pranë Google, kishte arritur të rezervonte një domain .com të pazakontë me gjashtë shkronja.
Domeini që bleu nuk ishte aspak i zakontë por vetë Google.com. Djaloshi në fjalë i cili kishte punuar për 5 vite me radhë në Google dhe tani pjesë e Amazon e përshkroi eksperiencën me këto fjalë: Në një ditë të zakonshme pune po shfletoja në domeinet e Google. Kërkova për “Google.com”, u shfaq si e disponueshme pë rezervim dhe e bleva për 12 dollar.
Blerja e tij u konfirmua përmes postës elektronike ku lajmërohet se paratë ishin tërhequr nga karta e tij e kreditit.
Eksperiencën e tij e ndau në rrjetin social Linkedin. Pas pak minutash iu kthyen paratë në kartën e kreditit dhe u lajmërua se domeini nuk ishte i disponueshëm.
