Një nga strukturat kryesore që do i shtohet kushtetutës nga e cila pritet shumë punë, është Njësia Antikorrupsion ose siç është lançuar prej dy vitesh nga qeveria me emrin Byroja Kombëtare e Hetimit. Kjo strukturë do jetë një prokurori paralele me prokurorinë që do hetojë vetëm veprat penale që kanë lidhje me korrupsion. Kjo strukturë është përgjegjëse për përfaqësimin e akuzës kundër gjyqtarëve, prokurorëve dhe zyrtarëve të lartë.
Prokurorët që do përzgjidhen që të jenë pjesë në këtë strukturë do jenë të pavarur dhe se duhen të kenë 10 vite punë si prokurorë dhe të kenë reputacion dhe integritet
të lartë. Prokurorët e kësaj njësie nuk kanë asnjëvarësi nga Prokurori i Përgjithshëm dhe se kjo njësi do ketë buxhet të caktuar financiar. Byroja Kombëtare e Hetimit do përbëhet nga financerë të policisë të cilët do kryejnë hetime nën drejtimin e prokurorëve të strukturës së posaçme Antikorrupsion të Prokurorisë. Çdo prokuror që aspiron të hyjë në këtë strukturë, do i nënshtrohet një verifikim të imtësishëm, lidhur me integritetin e tij, pasurinë e deri tek lidhjet e tij me kontigjentë kriminalë dhe të dyshimtë.
Herë pas here këtyre prokurorëve do u kontrollohet pasuria, kryesisht llogaritë bankare dhe jo vetëm si dhe tabulatet telefonike të tyre, dhe anëtarëve të tjerë të familjes.
Këta prokurorë që do jenë pjesë e njësisë antikorrupsion do zgjidhen nëpërmjet testimit me shkrim dhe gojë dhe se do kenë mandat 10-vjeçar.
Shqiptarja.com
