Policia e Elbasanit ka reaguar lidhur me denoncimin e bërë nga kryetari i PD për arrestimin e një shtetasi në Elbasan, të cilit iu gjetën dy patenta me emrin e ish-ministrit Saimir Tahiri. Policia ka konfirmuar ndalimin e biznesmenit Orest Sota ndërkohë ka dhënë edhe versionin për shoqërimin e tij.
“Me Datë 02. 11. 2017, u bë arrestimi në flagrancë i shtetasit O.S vjeç 25, banues në Tiranë, administrator i nje subjekti privat sh.p.k pasi më datë 01.11.2017, në rrugën nacionale, në fshatin Balldren, u kap duke drejtuar pa leje drejtimi mjetin “Land Rover” dhe nga kontrolli në mjet ju gjetën e bllokuan një sasi e madhe eurosh, i cili pretendonte se do t’i përdorte për likujdimin e faturave, por të pa shoqëruara me dokumentin e origjinës. Materialet në ngarkim të këtij shtetasi u referuan në Prokurorinë e Rrethit Gjyqësor Elbasan, për Veprat Penale parashikuar nga nenet 291, 242 e 180 të Kodit Penal”.
Sipas policisë i arrestuari Orest Lefter Sota 25-vjeç është administrator i një firme private, ndërsa ka deklaruar se shumën do ta përdorte për likuidimin e disa faturave. Burime nga policia pohojnëse “Sota pretendonte se paratë do i çonte në një biznes”.
Biznesmenit i janë gjetur edhe dy leje për drejtim të mjete lundruese në emër të Saimir Tahirit, por policia nuk e ka publikuar një fakt të tillë në komunikatën për shtyp siç shihet më sipër.
Orest Sota është administrator i firmës ‘Fortis Beton’ ndërsa babai i tij është biznesmen në fushën e ndërtimit (hekur) dhe medias. Orest Sota ka deklaruar në policinë e Elbasanit se është mik me shoferin e Saimir Tahirit.
Kreu i PD-së Lulzim Basha ka denoncuar sot se Orest Sotës i janë gjetur në makinë 800 mijë euro dhe dy patenta për drejtim makine, në emër të Saimir Tahirit./a.m.
